Edi beo thu, hevene queene

from puer natus by Nimmersêlich

/

about

Anonymous, England, 13th century
Gesang, Quinterne, Laute

lyrics

Edi beo thu, hevene quene,
Folkes froure and engles blis,
Moder unwemmed and maiden clene,
Swich in world non other nis.
On thee hit is wel eth sene,
Of all wimmen thu havest thet pris;
Mi swete levedi, her mi bene
And reu of me yif thi wille is.

Thu asteghe so the daiy rewe
The deleth from the deorke nicht;
Of thee sprong a leome newe
That al this world haveth ilight.
Nis non maide of thine heowe
Swo fair, so schene, so rudi, swo bricht;
Swete levedi, of me thu reowe
And have merci of thin knicht.

Spronge blostme of one rote,
The Holi Gost thee reste upon;
Thet wes for monkunnes bote
And heore soule to alesen for on.
Levedi milde, softe and swote,
Ic crie thee merci, ic am thi mon,
Bothe to honde and to fote,
On alle wise that ic kon.

Thu ert eorthe to gode sede;
On thee lighte the heovene deugh,
Of thee sprong theo edi blede
The Holi Gost hire on thee seugh.
Thu bring us ut of kare of drede
That Eve bitterliche us breugh.
Thu schalt us into heovene lede;
Welle swete is the ilke deugh.

Moder, ful of thewes hende,
Maide dreigh and wel itaucht,
Ic em in thine love bende,
And to thee is al mi draucht.
Thu me sschildghe from the feonde,
Ase thu ert freo, and wilt and maucht;
Help me to mi lives ende,
And make me with thin sone isaught.

credits

from puer natus, released December 1, 2009

license

all rights reserved

tags

about

Nimmersêlich image

Nimmersêlich Leipzig, Germany

100% medieval music since 1999.

contact / help

Contact Nimmersêlich

Streaming and
Download help

Report this track or account

If you like Nimmersêlich, you may also like:

Bandcamp Daily  your guide to the world of Bandcamp

On Bandcamp Radio

Seafood Sam joins the show to discuss his newest album, " Standing On Giant Shoulders".
listen now